TE PAHONO RA TE BIBILIA
E ora faahou anei tei pohe?
E au te pohe i te taime taotoraa. Aita ta te taata pohe e parau itea e aita atoa ta ˈna e nehenehe e rave faahou i te ohipa. E tia râ i te Atua poiete ia faahoˈi mai i te ora maoti te tia-faahou-raa. No te haapapu mai i te reira, ma te mana ta te Atua i horoa ˈtu, ua faatia faahou Iesu e rave rahi taata mai te pohe mai.—A taio i te Koheleta 9:5; Ioane 11:11, 43, 44.
No te aha e mea tano ai ia faaau i te pohe i te taime taotoraa?
Ua fafau te Atua e faatia faahou i te feia pohe ta ˈna e haamanaˈo no te ora ˈtu i roto i te hoê ao apî parau-tia. A tiai noa ˈtu ai i tera taime, e faaea ratou i roto i te pohe. E hinaaro rahi to te Atua Mana hope e faaohipa i to ˈna puai ia ora faahou tei pohe.—A taio i te Ioba 14:14, 15.
Eaha te tupu ia tia faahou mai tei pohe?
E taa iho â i te feia ta te Atua e faatia faahou o vai to ratou utuafare, hoa e fetii. Noa ˈtu e ua ino roa te tino o tei pohe, e nehenehe ta te Atua e faatia faahou atu i roto i te hoê tino apî.—A taio i te Korinetia 1, 15:35, 38.
Tau taata atoa te faatia-faahou-hia no te ora i te raˈi. (Apokalupo 20:6) E faahoˈihia mai râ te rahiraa i te ora no te parahi i te fenua nei, faarirohia ei paradaiso. E haamataraa apî ïa to ratou ma te tiaturiraa e ora e a muri noa ˈtu.—A taio i te Salamo 37:29; Ohipa 24:15.