Te aumihi

Eaha ta Iesu i rave?

VIDEO: Te faaite ra Iesu i te aumihi i te nahoa

1. A hiˈo i te VIDEO aore ra a taio i te Mareko 6:30-34. E a aparau i teie mau uiraa:

1. No te aha Iesu e ta ˈna mau aposetolo i manaˈo ai o “ratou anaˈe”?

2. Eaha tei turai ia Iesu ia haapii i te nahoa?

Eaha te haapii mai i to Iesu hiˈoraa?

2. E turai mai te aumihi ia tâuˈa i te taata, eiaha noa i ta tatou poroi.

A pee i to Iesu hiˈoraa

3. A faaroo maitai. A vaiiho i te taata ia faaite i to ˈna manaˈo. Eiaha e tâpû i ta ˈna parau aore ra e patoi oioi i to ˈna huru aau, haapeapearaa e manaˈo. Ma te na reira, te tâuˈa ra oe i to ˈna manaˈo.

4. A feruri i te taata tei faaite i te anaanatae. Ia au i ta oe aparauraa e o ˈna, a ui:

1. ‘No te aha mea faufaa ia ite o ˈna i te parau mau?’

2. ‘Nafea te haapiiraa Bibilia e taui ai i to ˈna oraraa e to ˈna ananahi?’

5. A faaite i te mau mea e nehenehe e tauturu ia ˈna. Mai te peu e nehenehe, a faaite e nafea te haapiiraa Bibilia e pahono ai i ta ˈna mau uiraa e e tauturu ai ia ˈna.