Te tiaturi ra anei outou ia Iesu?

E. Te tiaturi nei matou ia Iesu tei parau: “O vau te eˈa, e te parau mau, e te ora, aore roa e taata e tae i te Metua ra, maori râ ei ia ˈu.” (Ioane 14:6) Te tiaturi nei matou e ua haere mai Iesu i te fenua mai te raˈi mai no te horoa i to ˈna ora tia roa ei tusia taraehara. (Mataio 20:28) E fanaˈo te feia te faaroo ia ˈna i te ora mure ore maoti to ˈna pohe e tia-faahou-raa. (Ioane 3:16) Te tiaturi atoa nei matou e i teie nei e Arii Iesu o te Basileia o te Atua i te raˈi e ua fatata oia i te faatupu i te hau i te fenua. (Apokalupo 11:15) Ua na ô Iesu: “E rahi hoi tau Metua ia ˈu.” O ta matou ïa e tiaturi nei. (Ioane 14:28) E ere ïa Iesu i te Atua Manahope. Aita matou e haamori ra ia Iesu.