E tupu anei Aramagedo i Iseraela? Eaha ta te Bibilia e parau ra?

Te faataa ra te Bibilia e ere Aramagedo i te hoê tamaˈi o te tupu i te hoê noa vahi, o te hoê râ tamaˈi e tupu i rotopu i te mau faatereraa taata atoa e te Atua.

• “No ǒ mai teie mau poroi i te mau demoni . . . no te haaputu mai i te mau arii atoa o te fenua nei no te tamaˈi o te mahana rahi o te Atua Manahope. Haaputuputu maira ratou i te mau arii i te vahi parauhia Aramagedo na roto i te reo Hebera.”—Apokalupo 16:14, 16.

Te taˈo “Aramagedo” no ǒ mai i te taˈo Hebera Ara Magedona, te auraa ïa “Mouˈa no Megido.” Megido o te hoê oire o te tuhaa fenua o Iseraela. E no teie tumu, te tiaturi ra te tahi mau taata e e tupu Aramagedo i Iseraela. Tera râ, mea nainai te fenua no Megido e oia atoa te fenua Hitia o te râ no ropu no te haaputuputu mai “i te mau arii atoa o te fenua nei” e ta ratou mau nuu.

Ua papaihia te buka Apokalupo “ei taipe,” aore ra ei auraa parau. (Apokalupo 1:1) E ere Aramagedo i te hoê fenua taa maitai, tera râ o te hoê tupuraa na te ao o te amui i te mau nunaa atoa no te aro i te Atua.—Apokalupo 19:11-16, 19-21.