Tapura tumu parau

I mua i te fifi, eaha te tia ia rave ia manaˈo tatou eita e nehenehe faahou e faaoromai? I roto i teie haapiiraa, e hiˈopoahia ta tatou irava no te matahiti 2018. E haapii mai tatou no te aha e titauhia ˈi te puai no ǒ mai ia Iehova e e nafea oia e horoa mai ai i te reira.

I teie matahiti, e tupu te Oroa haamanaˈoraa i te pohe o te Mesia i te Mahana maa 31 no Mati 2018. E nafea ia faaineine ia tatou i teie nei â no tera mahana taa ê? E nafea tatou ia faufaa-mau-hia ia tae i tera oroa? E nafea te Oroa haamanaˈoraa e tauturu ai i te nunaa o te Atua ia vai hoê noa ˈtu teihea ratou? E pahonohia tera mau uiraa i roto i teie haapiiraa.

No ǒ mai te mau mea atoa ia Iehova ra. Tera râ, te horoa mai ra o Iehova i te fanaˈoraa taa ê ia pûpû i ta tatou mau faufaa no te turu i te ohipa a ta ˈna faanahonahoraa. Eaha te tumu o ˈna e na reira ˈi? Eaha te mau haamaitairaa ia horoa i ta tatou mau faufaa na Iehova? Tera te hiˈopoahia i roto i teie haapiiraa.

E faaite te haapiiraa matamua e oaoa mau tatou ma te here i te Atua, eiaha râ ia tatou iho mai te rahiraa i teie “mau mahana hopea.” (Tim. 2, 3:1) Area te piti, e faataa ïa eaha te taa-ê-raa rahi i rotopu i te nunaa o te Atua e te rahiraa o te taata i teie mahana.