Tapura tumu parau

No to Iehova nunaa, i riro noa na te himene ei tuhaa faufaa o te haamoriraa. Aita râ paha vetahi e au roa ra e himene i mua i te tahi atu mau taata. E nafea tatou e haapii ai i te himene i te mau himene arueraa ia Iehova ma te taiâ ore? E faataa mai teie tumu parau no te aha ia himene ma te oaoa e e ite atoa mai tatou i te tahi mau manaˈo tauturu ia maitai atu â to tatou reo ia himene tatou.

E haapiiraa te nehenehe e huti mai i te faanahoraa o te mau oire haapuraa i Iseraela i tahito ra. I roto i te tumu parau matamua, a hiˈo e nafea te feia rave hara e nehenehe ai e ite i te haapuraa ia Iehova ra i teie mahana. I roto i te piti o te tumu parau, a hiˈo e nafea to Iehova hiˈoraa e tauturu mai ai ia faaore i ta vetahi ê mau hapa, faatura i te ora, e ia haa ma te parau-tia.

Ua niuhia na tumu parau e piti i nia i te rata ta te varua moˈa i turai ia Paulo ia papai i te mau Kerisetiano no Kolosa. Te faataa ra te tumu parau matamua eaha te rave ia faaroo tatou i te mau manaˈo o teie nei ao e au ra e mea tano. Te faataa ra te piti o te tumu parau e nafea tatou e patoi ai i te mau huru feruriraa o te nehenehe e faaere ia tatou i ta Iehova mau haamaitairaa.