Tapura tumu parau

Ehia euhe ta oe i rave i mua ia Iehova? Te ora ra anei oe ma te rave i tei maraa no te tapea i tera mau euhe? E no ta oe euhe e pûpû ia oe ia Iehova aore ra ta oe euhe o te faaipoiporaa? I roto i teie tumu parau, e haapii mai tatou i te mau hiˈoraa maitai o Iepheta e o Hana tei tapea i ta raua i euhe. E tauturu mai te reira ia tapea i ta tatou mau euhe i te Atua.

Pinepine tatou i te haamanaˈo i ta Iehova e horoa mai i roto i te paradaiso. I roto râ i teie tumu parau, e tauaparau mai tatou e maha fifi ta Iehova e faaore ia nehenehe oia e haamau hoê ao e itehia ˈi te hau e te oaoa. E tauturu mai te reira ia haapuai i to tatou faaroo e ta tatou faaotiraa e faaoromai.

Ia manaˈo tatou e e ohipa parau-tia ore ta tatou i ite aore ra tei ravehia i nia ia tatou, e nehenehe to tatou faaroo, haehaa e taiva ore e tamatahia. E faataa teie na tumu parau e toru aamu Bibilia o te tauturu mai ia pee i to Iehova huru no nia i te parau-tia.

Noa ˈtu aita Iehova e hinaaro mau ra i te tahi noa ˈˈe mea ia tatou, e oaoa oia ia ite i ta tatou mau tutavaraa no te turu i ta ˈna faatereraa. E haapii mai tatou i roto i te pene 4 e 5 o te buka a Te mau tavana e mea au na Iehova ia hinaaro tatou e tavini ia ˈna e e pee i ta ˈna aratairaa.