A apo mai i ta Iehova e haapii mai

A faaineine ai no ta oe haapiiraa, e ui paha oe: ‘Eaha ta ˈu e haapii mai?’ A haamanaˈo, e ere no te mea e te haapii ra oe i te hoê tumu parau ta oe i ite ê na, aita ïa e mea apî ta oe e haapii no ǒ mai ia Iehova. E nafea ia apo mai i ta Iehova e haapii mai?

A pure no te fanaˈo i te paari. A ani ia Iehova ia tauturu ia oe ia taa i ta ˈna e hinaaro ra e haapii ia oe i taua taime ra. (Iak. 1:5) Eiaha e turui noa i nia i ta oe iho i haapii ê na.​—Mas. 3:5, 6.

A vaiiho i te parau a te Atua ia ohipa i roto i to oe oraraa. “Mea ora hoi te parau a te Atua.” (Heb. 4:12) E nehenehe “te parau” ora a te Atua e ohipa i nia ia oe i te mau taime atoa e taio ai oe i te Bibilia. E titauhia râ ia ineine oe i te apo mai i te mea apî ta oe e haapii mai i roto i ta oe taioraa.

A mauruuru no ta Iehova e horoa ra no te haapii ia oe. E au te maa pae varua ta Iehova e horoa mai ra i “te tahi tamaaraa ma te maa maitatai.” (Isa. 25:6) Eiaha e haapae i “te maa” ta oe e manaˈo eita oe e au. Ma te amu i te mau huru maa pae varua ta te Atua e horoa mai ra, e tauturu o ˈna ia oe ia riro ei taata maitai aˈe e e au roa oe i ta oe haapiiraa!