ORARAA KERISETIANO
E te mau metua, a tauturu i ta outou tamarii ia noaa ia ratou te paari no ǒ mai i te Atua
Te hoê ravea maitai roa ˈˈe ia tauturu te mau metua i ta ratou tamarii ia noaa ia ratou te paari no ǒ mai i te Atua, o te mau putuputuraa ïa. Maoti ta te mau tamarii e ite, e faaroo e e faahiti i roto i ta ratou mau pahonoraa, e rahi atu â to ratou ite no nia ia Iehova e e piri atu â ratou ia ˈna. (De 31:12, 13) E te mau metua, e nafea outou e tauturu ai i ta outou tamarii ia faufaahia i te mau putuputuraa?
A faaitoito i te tae tino roa mai i te mau putuputuraa.—Sl 22:22
A tae oioi mai i te mau putuputuraa e eiaha e faarue oioi, e nehenehe ïa outou e amuimui i te mau taeae e tuahine.—Heb 10:25
Ia fanaˈo te mau mero tataitahi o te utuafare i ta ˈna iho papai e haapiihia ra i te putuputuraa, mea neneihia aore ra i nia i te matini afaifai
A tauturu i ta outou tamarii ia faaineine i te hoê pahonoraa ta ˈna e horoa na roto i ta ˈna iho mau parau.—Mt 21:15, 16
Ei parau maitai ta outou no nia i te mau putuputuraa e te mau haapiiraa e fanaˈohia i reira
A tauturu i ta outou tamarii ia apiti i te mau tuhaa ohipa mai te tamâraa i te Piha a te Basileia e ia aparau i te feia paari o te amuiraa
E titauhia te tutavaraa rahi e te taime no te tauturu i ta outou tamarii ia faafatata ˈtu ia Iehova. E rohirohi atoa paha outou i te tahi taime, tera râ, e nehenehe outou e papu e e tauturu Iehova ia outou.—Isa 40:29.
A MATAITAI I TE VIDEO E TE MAU METUA, A TURUI I NIA I TO IEHOVA PUAI E A PAHONO I TEIE MAU UIRAA:
No te rohirohi, eaha tei tupu no Zack raua Leah?
No te aha e mea faufaa ia turui te mau metua i nia i to Iehova puai?
Mea nafea Zack raua Leah i te turuiraa i nia ia Iehova