ORARAA KERISETIANO

A tauturu i te feia aita ta ratou e haapaoraa ia tiaturi i te Atua poiete

E taiâ anei oe i te poro i te taata aita ta ratou e haapaoraa, no te manaˈo hoi eita ratou e farii mai? Mai te peu e e, a haamanaˈo e mea rahi te taata aita ta ratou haapaoraa na mua ˈˈe, aore ra aita i tiaturi na i te Atua, tei riro mai ei Ite no Iehova. Ua tauturuhia hoi ratou ia hiˈopoa i te mau haapapuraa e e Atua poiete iho â tei hamani i te mau mea atoa.—Ro 1:20; 10:14.

A MATAITAI I TE VIDEO E NEHENEHE TE FEIA AITA E FAAROO E FAATUPU I TE FAAROO: TE FEIA AITA TA RATOU E HAAPAORAA E A PAHONO I TEIE UIRAA:

E nafea te hiˈoraa o Tommaso e tauturu ai ia oe ia ore e taiâ i te poro i te hoê taata aita ta ˈna e haapaoraa?

Ta oe pahonoraa

E nafea ïa?

Ia ore te hoê taata e tiaturi i te Atua, a paraparau noa ia ˈna ma te mǎrû e te faatura, e a faaroo maite i to ˈna mau manaˈo e huru aau no nia i teie tumu parau. (Ti2 2:24) A faahiti i te mau tumu parau e anaanatae ai o ˈna. E farii anei o ˈna ia aparau orua no nia i te mau haapapuraa i tiaturi ai e rave rahi taata i te Atua? Mai te peu e e, a faaohipa i te mau video e papai tei faaineinehia no teie tupuraa, mai te buka rairai La vie a-t-elle été créée ? e Cinq questions à se poser sur l’origine de la vie tei tuuhia i roto i ta tatou Mauhaa no te taviniraa.

I te haamataraa, e taiâ paha oe i te faahiti i teie mau manaˈo i te hoê taata aita e tiaturi ra i te Atua. E nehenehe oe e ani i te hoê taata poro aravihi ia apiti mai. A haamanaˈo atoa e e nehenehe Iehova e tauturu ia tatou ia haaputapû i te aau o te taata farii maitai, noa ˈtu aita â teie taata i tiaturi atura ia ˈna.—Ohi 13:48.