ORARAA KERISETIANO
A tiaturi ia Iehova ia hamani-ino-hia oe i te fare haapiiraa
Ia hamani-ino-hia oe i te fare haapiiraa, e nehenehe te reira e hauti i nia i to oe tino e feruriraa. E nehenehe to oe auhoaraa e o Iehova e fifihia ia patoi te taata hamani ino i ta tatou haamoriraa. Eaha ïa te rave no te paruru ia oe?
E rave rahi tavini a Iehova tei faufaahia i te turuiraa i nia ia Iehova. (Sl 18:17) Ei hiˈoraa, aita Esetera i huna i te opuaraa ino a te taata ino ra o Hamana, ua faaite roa ˈtu râ o ˈna i te arii. (Ese 7:1-6) Hou a na reira ˈi, ua faaite o ˈna i to ˈna tiaturi ia Iehova ma te haapae i te maa. (Ese 4:14-16) No reira, ua haamaitai Iehova ia Esetera e ua paruru oia ia ˈna e i to ˈna nunaa.
E te feia apî, ia hamani-ino-hia outou, a ani i te tauturu a Iehova e a faaite i te reira i te hoê taata feruriraa paari, mai to outou na metua. Ia papu ia outou e e tauturu Iehova ia outou mai ta ˈna i rave no Esetera. E nafea ˈtu â outou?
A MATAITAI I TE VIDEO TO ˈU ORARAA TAUREAREA: E IA HAMANI-INO-HIA VAU I TE FARE HAAPIIRAA? E A PAHONO I TEIE MAU UIRAA:
Eaha ta te mau taurearea e haapii mai i te hiˈoraa o Charlie e Ferin?
E nafea te mau metua e tauturu ai i ta ratou mau tamarii mai te peu te hamani-ino-hia ra ratou i te fare haapiiraa?