Te faufaaraa o te buka Ia ora oe e a muri noa ˈtu!

I roto i te buka Ia ora oe e a muri noa ˈtu!, mea au anei na outou i te mau video, te mau uiraa, oia atoa te mau tuhaa “Te manaˈo o vetahi,” “Fa” e “Hiˈopoa”? Eaha te tahi atu tuhaa tei tauturu ia outou a faatere ai i te mau haapiiraa Bibilia?—Mt 28:19, 20.

Tei piahia: Mai te peu mea au aˈe na outou te buka neneihia no te faatere i te haapiiraa, e nafea outou e fanaˈo ai i te mau video? I roto i te buka i nia i ta outou matini, a maiti hoê o na maha tuhaa. I nia roa i te tapura o te mau haapiiraa, e nehenehe outou e rave mai i te mau video atoa no teie tuhaa. (A hiˈo i te hohoˈa 1.)

“Mode image”: Ia faaohipa outou i te hoê matini no te faatere i te haapiiraa, e nehenehe te “Mode image” e faaohipahia i te roaraa o te haapiiraa. A faatere ai i te haapiiraa, e nehenehe outou e haere i nia roa i te api, i te pae atau e ite outou e toru periota vareau, a taumi i nia iho e a maiti i te “Mode image.” E nehenehe te reira e tauturu ia outou ia haamanaˈo eaha te tuatiraa i rotopu i teie ravea e te haapiiraa tataitahi. No te hoˈi i nia i te “Mode texte” a taumi faahou i na toru periota vareau e a pata i nia i te “Mode texte.”

“Ua ineine anei au?”: I te pae hopea o te buka, e itehia te mau tumu parau tarenihia no nia i te mau titauraa no te pororaa e no te bapetizoraa. (A hiˈo i te hohoˈa 2.)

Faataaraa hau: I roto i tera tuhaa e horoahia hau atu â haamaramaramaraa no nia i te tahi mau tumu parau faufaa. I roto i te “Mode texte,” ia tae oe i te pae hopea o te faataaraa hau, e nehenehe oe e taumi i nia i te nati o te faahoˈi ia oe i roto i te haapiiraa. (A hiˈo i te hohoˈa 2.)