Te ite ra anei oe i te pahonoraa o ta oe mau pure?

I roto i te Bibilia, mea rahi te pure ta Iehova i pahono. Ia ite te mau tavini a Iehova te tâuˈa mau ra e te tauturu ra o ˈna ia ratou, e puai atu â to ratou faaroo. E titauhia ia haamahora i to tatou aau a pure ai e ia hiˈo e nafea Iehova e pahono ai i ta tatou pure. A haamanaˈo râ, e nehenehe o ˈna e faatupu hau ê roa ˈtu i ta tatou e ani aore ra e manaˈo. (Ko2 12:7-9; Eph 3:20) Eaha ïa ta ˈna e horoa mai no te tauturu ia tatou?

• Te puai pae tino, pae feruriraa e pae varua no te faaruru i te hoê fifi.—Php 4:13

• Te paari no te rave i te faaotiraa maitai.—Iak 1:5

• Te hinaaro e te puai no te rave i te mau mea atoa.—Php 2:13

• Te hau ia haapeapea rahi tatou.—Php 4:6, 7

• Te tauturu e te tamahanahanaraa a vetahi ê.—Io1 3:17, 18

• Te tauturu no te feia ta tatou e faahiti ra i roto i ta tatou mau pure.—Ohi 12:5, 11

A MATAITAI I TE VIDEO E FAAROO IEHOVA I TE PURE E A PAHONO I TEIE MAU UIRAA:

• E nafea te hiˈoraa o taeae Shimizu e faaitoito mai ai e fifi pae ea anaˈe to tatou?

• E nafea tatou e nehenehe ai e pee i te hiˈoraa o taeae Shimizu?