E hopea to te mau tupuraa fifi atoa

E nehenehe te mau tupuraa fifi e faatoaruaru ia tatou, mai te peu iho â râ e maoro mai te reira. Ua ite Davida e aita te hamani-ino-raa a te arii Saula e vai noa mai no te mea ua fafau Iehova e e riro Davida ei arii o Iseraela. (Sa1 16:13) Maoti te faaroo i faaoromai e i tiai ai Davida ia Iehova.

I mua i te fifi, e titauhia te feruriraa haroˈaroˈa, te ite e te aravihi ia feruri no te faatitiaifaro i to tatou tupuraa. (Sa1 21:12-14; Mas 1:4) Tera râ, e nehenehe te tahi mau fifi e vai noa mai noa ˈtu ua rave tatou i te mau mea atoa ia au i ta te Bibilia e parau ra. I roto i te mau tupuraa atoa, e titauhia ia faaoromai e ia tiai ia Iehova. Fatata roa o ˈna i te faaore i te mauiui e i te tamǎrô i “te mau roimata atoa” o to tatou mata. (Apo 21:4) Mai te peu ua afaro mai to tatou fifi maoti Iehova aore ra te tahi atu ravea, te hoê mea papu: E hopea to te mau tupuraa fifi atoa. Auê te mahanahana ia ite i te reira!

A MATAITAI I TE VIDEO TE HOÊ NUNAA TAHOÊ I ROTOPU I TE HOÊ AO AMAHAMAHA E A PAHONO I TEIE MAU UIRAA:

• Eaha te mau fifi ta vetahi o to tatou mau taeae e tuahine i Marite apatoa i farerei?

• Mea nafea to ratou faaiteraa i te faaoromai e te here?

• Mea nafea ratou i te tamauraa i te tiatonu i nia i “te mea faufaa roa ˈˈe”?—Php 1:10