Toru ravea e turui ai tatou i nia ia Iehova

Ua upootia Davida i nia ia Golia no te mea ua turui o ˈna i nia ia Iehova. (Sa1 17:45) Te hinaaro ra Iehova e faaite i to ˈna puai i ta ˈna mau tavini atoa. (Pa2 16:9) E nafea tatou e turui ai i nia ia Iehova, eiaha râ i nia i to tatou iho ite e puai? Teie mai e toru ravea:

• A pure tamau. Eiaha noa e pure ia faaorehia ta outou mau hara, ia fanaˈo atoa râ outou i te puai no te mau papu i mua i te mau tamataraa. (Mt 6:12, 13) Eiaha noa e pure ia haamaitai Iehova i te mau faaotiraa ta outou i rave aˈena, ia horoa atoa râ Iehova i te aratairaa e te paari hou a rave ai i te mau faaotiraa.—Iak 1:5

• A tamau i te taio e i te haapii i te Bibilia. A taio i te Bibilia i te mau mahana atoa. (Sl 1:2) A feruriruri i nia i te mau hiˈoraa i roto i te Bibilia e a faaohipa i ta outou i haapii. (Iak 1:23-25) A faaineine ia outou no te taviniraa, eiaha râ e tiaturi i to outou iho aravihi. A faaineine maitai ia outou no te mau putuputuraa ia faufaahia outou i te porotarama

• A ohipa amui e te faanahonahoraa a Iehova. A hiˈo eaha te mau aratairaa apî no ǒ mai i te faanahonahoraa e a pee maite i te reira. (Nu 9:17) A faaroo i te mau aˈoraa e aratairaa ta te mau matahiapo e horoa.—Heb 13:17

A MATAITAI I TE VIDEO EIAHA E MǍTAˈU I TE HAMANI-INO-RAA E A PAHONO I TEIE MAU UIRAA:

• Eaha te mau haamǎtaˈuraa ta te mau taeae e tuahine i faaruru?

• Eaha tei tauturu ia ratou ia ore e mǎtaˈu?