A tauturu i te piahi Bibilia ia haapae i te mau amuimuiraa iino

No te riro ei hoa no Iehova, e titauhia i te piahi ia maiti maitai i ta ˈna mau amuimuiraa. (Sl 15:1, 4) Mai te peu e amuimuiraa maitai ta ˈna, e turai te reira ia ˈna ia rave i te mea maitai.—Mas 13:20; lff haapiiraa 48.

A faaite i te aumihi ia tauturu oe i ta oe piahi ia haapae i te mau amuimuiraa iino. E ere paha i te mea ohie no ˈna ia faarue i to ˈna mau hoa tahito. A faatere ai i ta ˈna haapiiraa, a faaite e te tâuˈa mau ra oe ia ˈna. A hapono atu i te poroi, a niuniu atu aore ra a haere roa ˈtu e farerei ia ˈna. A nuu ai te piahi i mua i te pae varua, e nehenehe oe e titau manihini ia ˈna e i te tahi atu mau taeae e tuahine. E ite ïa te piahi aita o ˈna i ere i te hoa. (Mar 10:29, 30) E oaoa roa atoa oe a ite ai e te rahi noa ˈtu ra to tatou utuafare pae varua.

A MATAITAI I TE VIDEO A TAUTURU I TE PIAHI BIBILIA IA: HAAPAE I TE MAU AMUIMUIRAA IINO E A PAHONO I TEIE MAU UIRAA:

• Eaha te mau amuimuiraa iino?—Ko1 15:33

• I te manaˈo o Jade, eaha te huru o te mau Kerisetiano ia amuimui ratou?

• Mea nafea to Nita tautururaa ia Jade ia haapae i te mau amuimuiraa iino?