Ia papu ia oe i te here taiva ore o Iehova

Mea faufaa roa oe no Iehova. (Isa 43:4) Ua faafatata ˈtu o ˈna ia oe ia ˈna ra e i ta ˈna faanahonahoraa. Ma te pûpû i to oe ora ia Iehova e ma te bapetizo ia oe, ua riro oe ei Ite no ˈna. No te mea mea faufaa roa oe no ˈna, e aupuru noa oia ia oe i roto atoa i te mau taime fifi. E faaite o ˈna i to ˈna here taiva ore na roto i ta ˈna faanahonahoraa.—Sl 25:10.

E nehenehe tatou e faaite i to tatou mauruuru i te here taiva ore o Iehova ma te hiˈopoa e nafea ta ˈna faanahonahoraa e hopoi ai i te tauturu ia tupu te ati natura.

A MATAITAI I TE VIDEO TAPURA OHIPA A TE TOMITE TIAAURAA NO 2019 E A PAHONO I TEIE MAU UIRAA:

• 

  Mea nafea te Tomite tiaauraa i te faaineineraa i te mau amaa ati aˈe te ao nei ia tupu te ati natura?

• 

  Eaha te aratairaa ta te faanahonahoraa a Iehova i horoa a tupu ai te ati i Initonetia e i Nigéria?

• 

  Eaha ta te faanahonahoraa a Iehova i rave a tupu ai te maˈi pee COVID-19 ta oe i mauruuru?