A poro ua fatata roa te hoê ao maitai aˈe!

I te avaˈe Novema, e faaite haere tatou ua fatata roa te hoê ao maitai aˈe. (Sal 37:10, 11; Apo 21:3-5) A faanaho ïa i te hoê porotarama ia nehenehe outou e apiti atu i teie opereraa taa ê. Ia rave outou i te taviniraa pionie tauturu i tera avaˈe, e nehenehe outou e maiti i te poro 30 aore ra 50 hora.

A faaineine i te hoê irava no nia i te ao apî o ta outou e faaite i te taata atoa ta outou e paraparau. A maiti i te irava e anaanatae te feia i roto i ta outou tuhaa fenua. Ia anaanatae te tahi taata, a horoa ˈtu i te vea o Te Pare Tiairaa No 2 2021, a hoˈi faahou e farerei atu e mai te peu e nehenehe, a haamata roa ˈtu i te hoê haapiiraa Bibilia i roto i te buka rairai Ia ora oe e a muri noa ˈtu! Auê te oaoa ia apiti i te pororaa o “te parau apî oaoa o te tahi mea maitai aˈe”!—Isa 52:7.

A MATAITAI I TE HIMENE VIDEO ROTO TE AO APÎ, E A PAHONO I TEIE MAU UIRAA:

• Eaha ta teie tamahine iti e feruri nei?

• Eaha te mau maitai ta oe e tiai ru nei i roto i te ao apî?

• E nafea te feruriruriraa i to tatou tiaturiraa e faaineine ai ia tatou ia apiti i te opereraa taa ê i Novema?—Lu 6:45