Haaputapû i te aau

Na to tatou aau e turai ra ia tatou ia haapao i te mau faaueraa a te Atua. (Mas 3:1) Ia haapii tatou i te taata, e titauhia ia haaputapû i to ratou aau. E nafea ïa?

Eiaha e haapii noa i te pue parau mau Bibilia i te piahi, a tauturu râ ia ˈna ia taa i te faufaaraa ia faaohipa i te reira i roto i to ˈna oraraa. E maitai mai hoi to ˈna oraraa e e puai atu â to ˈna auhoaraa e o Iehova. A faataa atoa ia ˈna e nafea te mau aratairaa Bibilia e faaite ai i te mau huru maitatai o te Atua mai te here, te hamani maitai e te parau-tia. Ma te here a ani eaha to ˈna huru a haapii ai i ta te Bibilia e parau ra. A tauturu ia ˈna ia feruri i te mau maitai ta ˈna e fanaˈo ia rave i te mau tauiraa i roto i to ˈna oraraa e ia haapae roa i te mau peu iino. E oaoa roa tatou a ite ai e te here mau ra ta tatou piahi ia Iehova.

A MATAITAI I TE VIDEO A OAOA I TE FAARIRO I TE TAATA EI PǏPǏ MA TE ARAVIHI ATU Â: I TE HAAPUTAPÛ I TE AAU E A PAHONO I TEIE MAU UIRAA:

• 

  No te aha Nita i ui ai ia Jade ua feruri anei o ˈna i ta raua i paraparau i Monire ra?

• 

  Mea nafea to Nita tautururaa ia Jade ia ite i te here o Iehova na roto i te mau aratairaa Bibilia?

• 

  Mea nafea to Nita tautururaa ia Jade ia faaite i to ˈna here i te Atua?