Teihea roa oe i nia i te eˈa o te aratai i te bapetizoraa?
ORARAA KERISETIANO
A faaoti e tavini ia Iehova
E taata apî e e taata poro bapetizo-ore-hia anei oe? Aore ra e piahi Bibilia anei oe? Ua haamau anei oe i te fa o te bapetizoraa? Na te aha e turai ia oe ia hinaaro e bapetizo? Ia pûpû te taata ia ˈna iho ia Iehova e ia bapetizo oia, e faatupu oia i te auhoaraa taa ê e te Atua. (Sl 91:1) E faaora atoa mai te reira. (Pe1 3:21) E nafea oe e nehenehe ai e naea i taua mau fa ra?
A haapapu ia oe iho e tera iho â te parau mau. Mai te peu e uiraa ta oe, a rave i te mau maimiraa. (Ro 12:2) A tapao e a rave i te mau tauiraa titauhia, e a haapapu e te na reira nei oe no to oe here ia Iehova. (Mas 27:11; Eph 4:23, 24) A tamau i te pure ia ˈna no te ani i ta ˈna tauturu. Ia papu ia oe e haapuai e e turu atoa Iehova ia oe maoti to ˈna varua moˈa puai roa. (Pe1 5:10, 11) A faaitoito, e faufaahia oe! Te taviniraa ia Iehova, tera te oraraa maitai roa ˈˈe!—Sl 16:11.
A MATAITAI I TE VIDEO TEI TITAUHIA IA RAVE HOU TE BAPETIZORAA, E A PAHONO I TO MURI NEI MAU UIRAA:
Eaha te mau fifi ta vetahi i haapaiuma hou te bapetizoraa?
E nafea ia faatupu i te faaroo hinaarohia no te pûpû ia oe iho ia Iehova?
Eaha tei turai ia vetahi ia rave i tei titauhia no te faaî i te mau titauraa no te bapetizo?
Nafea Iehova e haamaitai ai i te feia o te faaoti e tavini ia ˈna?
Eaha te auraa o te pûpûraa ia ˈna iho e te bapetizoraa?