Maoti te Atua e te Mesia e tiamâ ˈi tatou i te tau no a muri aˈe

Eaha to oe mau fifi i te mau mahana atoa? E upoo utuafare anei oe o te amo nei e rave rahi hopoia? O oe anaˈe anei te tutava nei i te aupuru i to oe utuafare? E taata apî anei oe o te hamani-ino-hia ra na te tahi mau hoa haapiiraa? Te faaruru anei ra oe i te mau fifi i te pae o te ea aore ra no te ruhiruhiaraa? Te faaruru nei tatou pauroa i te mau fifi. Te vai ra te mau Kerisetiano o te faaruru i te tamataraa e rave rahi i te hoê â taime. Ua ite râ tatou e fatata te taime e tiamâ roa tatou i taua mau fifi ra.—Ko2 4:16-18.

A tiai noa ˈi, e tamahanahanahia tatou ia ite e te taa ra ia Iehova to tatou mau fifi, te haafaufaa ra oia i te taiva ore e te faaoromai ta tatou e faaite. E haamaitai rahi atoa mai oia ia tatou. (Ier 29:11, 12) Te tâuˈa atoa mai ra Iesu ia tatou. A rave maitai ai tatou i ta tatou taviniraa, teie te haapapuraa ta Iesu e horoa mai: “Tei pihai iho vau ia outou.” (Mt 28:20) E feruri maite anaˈe i te tiamâraa ta tatou e fanaˈo i raro aˈe i te Faatereraa arii a te Atua. E papu atu â to tatou tiaturiraa e ta tatou faaotiraa e faaoromai i te mau fifi.—Ro 8:19-21.

A MATAITAI I TE VIDEO A TAMAU I TE PEE IA IESU A PIRI NOA MAI AI TE ATI RAHI!—HAAMAITAIRAA A TE BASILEIA NO A MURI AˈE, E A PAHONO I TO MURI NEI MAU UIRAA:

• Mea nafea te huitaata i atea ê ai i te Atua e eaha te faahopearaa?

• Eaha te a muri aˈe e tiai ra i te feia e vai taiva ore ra ia Iehova?

• E nafea teie a muri aˈe faahiahia roa e tupu ai?

• Eaha te mau haamaitairaa i roto i te ao apî ta oe e tiai ru nei?