Te pororaa taa ê i Novema no nia i te Faatereraa arii a te Atua

Ua faaite Iesu i “te parau apî oaoa o te Faatereraa arii a te Atua.” (Lu 4:43) Ua haapii atoa oia i te mau taata ia pure no tera Faatereraa arii. (Mt 6:9, 10) I te avaˈe no Novema, e rave tatou i te mau tutavaraa taa ê no te poro no nia i te Faatereraa arii a te Atua. (Mt 24:14) A faataa i te taime no te apiti roa ˈtu i roto i tera pororaa taa ê. E nehenehe te mau pionie tauturu e maiti i te poro e 30 aore ra 50 hora i tera avaˈe.

A faaite i te hoê irava Bibilia no nia i te Faatereraa arii a te Atua i te taata e rave rahi o ta oe tuhaa fenua. A maiti ai oe i te hoê irava, a feruri na i te haapaoraa a te feia e faaroo ra ia oe. Ia anaanatae te hoê taata i te farereiraa matamua, a pûpû ia ˈna i Te Pare Tiairaa no te taata atoa N^o 2 2020. A hoˈi oioi e farerei ia ˈna e a tamata i te haamata i te hoê haapiiraa Bibilia i nia i te hoê papai o ta tatou mauhaa no te taviniraa. Mea poto roa te taime e toe nei hou te Faatereraa arii a te Atua e haamou ai i te mau faatereraa taata atoa o te patoi ra i te reira. (Da 2:44; Ko1 15:24, 25) Ia apiti roa ˈtu ïa tatou i roto i teie pororaa taa ê no te faaite e te turu ra tatou ia Iehova e i ta ˈna Faatereraa arii!