A arue ia Iehova ma te tavini ia ˈna ei pionie

E tumu maitai to te mau Iseraela no te arue ia Iehova. Ua faatiamâ oia ia ratou mai Aiphiti mai e ua faaora atoa ˈtu i te rima o te nuu a Pharao! (Ex 15:1, 2) Te tamau noa â ra Iehova i te aupuru i to ˈna nunaa. Nafea tatou e nehenehe ai e haamauruuru ia ˈna?—Sl 116:12.

Teie te tahi ravea: E tavini ia ˈna ei pionie tauturu aore ra pionie tamau. A pure no te faatupu i te hinaaro e no te fanaˈo i te puai no te riro ei pionie. (Php 2:13) Mea rahi o te haamata ma te riro na mua ei pionie tauturu. E nehenehe oe e maiti i te poro 30 aore ra 50 hora i te avaˈe no Mati e Eperera e i te hebedoma taa ê. A ite ai oe i te oaoa i roto i te taviniraa pionie tauturu, e hinaaro paha oe e rave atu â ma te riro ei pionie tamau. Noa ˈtu e te ohipa nei te tahi ma te taime taatoa aore ra te faaruru ra i te mau fifi i te pae o te ea, ua rave ratou i te taviniraa pionie tamau. (mwb16.07 8) Papu maitai, o Iehova te tia ia aruehia!—Pa1 16:25.

A MATAITAI NA I TE VIDEO NAU TUAHINE E TORU I MONGOLIE, E A PAHONO NA I TO MURI NEI MAU UIRAA:

• 

  Eaha te mau fifi ta taua nau tuahine ra e toru i faaruru no te riro ei pionie e e nafea i naea ˈi ia ratou i ta ratou fa?

• 

  Eaha te mau haamaitairaa ta ratou i fanaˈo?

• 

  Eaha te mau hopoia apî ta ratou i fanaˈo no to ratou riroraa ei pionie tamau?

• 

  Nafea to ratou hiˈoraa i tauturu ai ia vetahi ê?