TAOˈA RAU BIBILIA
Ia vai taiva ore outou a piri mai ai te hopea
NO TE AHA E MEA FAUFAA? Fatata tatou i te faaruru i te mau tupuraa fifi mau. E titauhia ïa ia tatou ia itoito atu â e ia tiaturi papu ia Iehova mai tei ore i itehia aˈenei. E haamata te ati rahi e te haamouraa o te haapaoraa hape. (Mt 24:21; Apo 17:16, 17) A tupu ai taua taime fifi mau ra, e faaite paha tatou i te hoê poroi haavaraa puai mau. (Apo 16:21) E aro Goga no Magoga ia tatou. (Ezk 38:10-12, 14-16) No te paruru i to ˈna nunaa, e haaputu Iehova i te mau arii atoa o te fenua no “te tamaˈi o te mahana rahi o te Atua Mana hope.” (Apo 16:14, 16) E titauhia ia tatou ia vai taiva ore i teie nei â, a tamatahia ˈi to tatou faaroo. E puai ïa to tatou faaroo a faaruru ai tatou i te mau tupuraa no a muri aˈe.
NAFEA ÏA?
A paturu e a pee ma te itoito i te mau titauraa morare teitei a Iehova.—Isa 5:20
A tamau i te haamori i te Atua ma te amui i te mau hoa Kerisetiano.—Heb 10:24, 25
A pee oioi i te aratairaa ta te faanahonahoraa a Iehova e horoa mai.—Heb 13:17
A feruri hohonu e nafea Iehova i faaora ˈi i to ˈna nunaa i tahito ra.—Pe2 2:9
A pure ia Iehova e a tiaturi ia ˈna.—Sl 112:7, 8
Mea nafea te auraroraa o te feia poro i tamatahia ˈi a haapii ai ratou e e amuihia ta ratou amuiraa e te tahi atu?
Nafea te peeraa i te aratairaa a te mau matahiapo e tauturu mai ai ia itoito noa?
No te aha e titauhia te itoito ia tae mai Aramagedo?
A faaineine ia oe i teie nei â no te mau tupuraa no a muri aˈe e titau i te itoito
Eaha te aamu Bibilia te tauturu mai ra ia haapuai i to tatou faaroo i roto i te mana faaora o Iehova?—Pa2 20:1-24