Ia puta mai te hohoˈa i roto i to feruriraa

A taio ai i te mau aamu Bibilia, a tamata i te hamani i te hohoˈa i roto i to oe feruriraa. A hiˈopoa i te huru tupuraa, te taata o te aamu e te tumu i rave ai ratou i tera e tera ohipa. A tamata i te hiˈo i ta ratou e ite ra, i te faaroo i te mau taˈi, i te hauˈa i te noˈanoˈa e i te taa i to ratou huru aau.

A MATAITAI NA I TE VIDEO IA MAITAI ATU Â TA OUTOU TAIORAA BIBILIA (TUHAA) E A PAHONO ATU:

• 

  No te aha paha i fifihia ˈi te mau taairaa i rotopu ia Iosepha e to ˈna mau taeae?

• 

  No te aha i te tahi mau taime, aita to Iosepha mau taeae i feruri hou a haa ˈi?

• 

  Eaha ta te Bibilia e haapii mai ra no nia ia Iakoba, to Iosepha metua tane?

• Eaha te haapiiraa nehenehe mau ta Iakoba i horoa i ta ˈna mau tamaiti no nia i te faatitiaifaroraa i te mau fifi?

• Eaha ta oe i huti mai a mataitai ai i teie video?