TAOˈA RAU BIBILIA | GENESE 15-17
Ua mairi Iehova ia Aberama raua Sari i te mau iˈoa apî: No te aha?
No Iehova, e taata parau-tia o Aberama. Ua horoa Iehova hau atu â haamaramaramaraa ia Aberama no nia i ta ˈNa parau fafau e ua mairi Oia ia Aberama raua Sari i te mau iˈoa apî tei faataa i te mau ohipa e tupu no a muri aˈe.
Ia au i te auraa o to raua iˈoa, ua riro Aberahama ei metua no te mau fenua atoa e ua riro Sara ei tupuna no te mau arii.
Aberahama
Metua no te mau fenua atoa
Sara
Tamahine hui arii
Eita tatou e nehenehe e maiti i te iˈoa horoahia ia tatou i to tatou mahana fanauraa. Tera râ, mai ia Aberahama raua Sara, e nehenehe tatou e haa no te fanaˈo i te hoê roo maitai. A ui ia oe iho:
‘Eaha ta ˈu e rave ia nehenehe Iehova e hiˈo ia ˈu mai te hoê taata parau-tia?’
‘I teie nei, eaha to ˈu roo i mua ia Iehova?’