E nafea ia haamata i te aparauraa maoti te mau api parau?

Mai Tenuare 2018 mai, ua itehia te mau hiˈoraa no te aparauraa i te api matamua o te Faaineineraa no te putuputuraa Oraraa e taviniraa. Ua faaitoitohia tatou ia aparau i te taata, eiaha ia horoa noa i te papai. No te tauturu i te feia poro ia faatano i ta ratou huru raveraa, ua faaite te mau video hiˈoraa no te aparauraa e nafea ia haamata i te hoê aparauraa maoti noa te Bibilia. E faaite anei te reira e eiaha faahou tatou e faaohipa i te mau papai a poro ai i tera e tera fare? Aita! Ei hiˈoraa, e mea maitai te mau api parau no te haamata i te hoê aparauraa. E nehenehe tatou e faaohipa i to muri nei hiˈoraa a pûpû ai i te mau api parau atoa:

1. A taio i te uiraa i te api matamua.

2. A faaite i te pahonoraa Bibilia itehia i roto i te (mau) irava o te tuhaa “Ta te Bibilia e parau ra” i te api 2. Ia taimehia, a taio e a aparau no nia i te tahi mau manaˈo o te api parau.

3. A pûpû i te api parau i te taata e a faaitoito atu ia taio i te toea o te mau manaˈo ia nehenehe o ˈna.

4. Hou a haere ai, a faaite i te uiraa i raro aˈe i te tuhaa “A feruri na” e a faataa i te taime no te aparau no nia i te pahonoraa Bibilia.

I te hoˈi-faahou-raa e farerei, a pahono i te uiraa e a tuu i te tahi atu uiraa no to muri iho aparauraa. E nehenehe oe e faaohipa i te tahi uiraa o ta tatou reni natirara aore ra o te papai faahitihia i te api hopea o te api parau. I te taime tano, a pûpû atu i te buka rairai Parau apî oaoa a te Atua aore ra te tahi atu papai haapiiraa o ta tatou mauhaa no te taviniraa.