ORARAA KERISETIANO

Eiaha e pee i te mau hinaaro o teie nei ao a faaineine ai i te oroa faaipoiporaa

Ia faaineine te mau Kerisetiano i to raua oroa faaipoiporaa, e titauhia ia rave raua e rave rahi faaotiraa. E faahepohia paha raua ia pee i te mau peu o to ratou fenua, mai te faaineineraa i te mau oroa faaipoiporaa moni roa. E hinaaro paha te mau hoa e mau fetii e faaite i to ratou iho mau manaˈo no nia i te faaineineraa o te oroa faaipoiporaa. Eaha te mau aratairaa Bibilia o te tauturu i taua mau Kerisetiano ra ia faaineine i to raua oroa faaipoiporaa ma te manaˈo haava maitai e ma te ore e tatarahapa i muri mai?

A MATAITAI NA I TE VIDEO IA FAAHANAHANA TE OROA FAAIPOIPORAA IA IEHOVA, E A PAHONO NA I TO MURI NEI MAU UIRAA:

Nafea to muri nei mau aratairaa Bibilia i tauturu ai ia Nick raua Juliana?
No te aha e titauhia ˈi i te mau Kerisetiano momoˈahia ia maiti i te hoê taeae î i te paari i te pae varua no te riro ei “tiaau o te oroa”?—Ioa 2:9, 10.
No te aha Nick raua Juliana i rave i ta raua iho mau faaotiraa no te faaineine i to raua oroa faaipoiporaa?
O vai te rave i te mau faaotiraa hopea no nia i te faaineineraa o te oroa faaipoiporaa e te tamaaraa?—w06 1/11 19-20 par. 10.

Hoho’a: Hoho’a no roto mai i te video «Ia faahanahana te oroa faaipoiporaa ia Iehova. » Te faaineine ra nau Kerisetiano e piti, e momo’ahia raua, i to raua oroa faaipoiporaa. E rave rahi faaotiraa e titauhia ia raua ia rave. 1. Te pure ra raua. 2. Ua rave raua i te mau maimiraa. 3. Te tauaparau ra nau Kerisetiano e piti e to raua mau fetii no nia i te oroa faaipoiporaa. 4. Te faaineine ra nau Kerisetiano e piti i te mau titau-manihini-raa e to raua mau fetii e hoa.