Mea here na Iehova te taata mâ

“Hapu i te pape! A tamâ i to oe piha! A purumu i te fare! A paraˈu i te pehu!” Mea rahi te metua o te haapii ra i ta ratou tamarii ia vai mâ i te pae tino. No ô mai hoi te mau aratairaa no nia i te vai-mâ-raa i to tatou Atua moˈa. (Ex 30:18-20; De 23:14; Ko2 7:1) Ia vai mâ noa to tatou tino aore ra ta tatou mau taoˈa, e faahanahana tatou ia Iehova. (Pe1 1:14-16) Eaha te parau no nia i to tatou fare e i te ati aˈe i to tatou fare? Te faarue ra te mau taata i ta ratou pehu i nia i te purumu e i roto i te mau aua. Te tutava ra râ te mau Kerisetiano ia vai mâ noa te fenua. (Sal 115:16; Apo 11:18) Nafea tatou e faarue ai i te mau taoˈa nainai, mai te mau papie momona, te mau mohina pape monamona? E faaite te reira i to tatou huru no nia i te vai-mâ-raa. Te hinaaro nei tatou “e faaite e e tavini tatou na te Atua” i roto i te mau tupuraa atoa o te oraraa.—Ko2 6:3, 4.

A MATAITAI NA I TE VIDEO MEA HERE NA IEHOVA TE TAATA MÂ, E A PAHONO NA I TO MURI NEI MAU UIRAA:

• Eaha ta te tahi mau taata e parau ra no te faataa no te aha mea reporepo ta ratou mau taoˈa?

• Nafea te ture a Mose i faaite ai i to Iehova manaˈo no nia i te vai-mâ-raa?

• Nafea tatou e nehenehe ai e faahanahana ia Iehova ma te ore e parau?