A tatara i te huru taata tahito e a ahu mai i te huru taata apî

3:5-14

Ua rave anei oe i te mau tauiraa e rave rahi no te haamaitai i to oe huru a ite ai oe i te parau mau? Papu maitai, ua oaoa Iehova a ite ai i ta oe mau tutavaraa. (Ezk 33:11) E titauhia râ ia tamau i te rave i te mau tutavaraa no te faatupu noa i te huru taata apî e ia ore te huru tahito e faura mai. A pahono na i to muri nei mau uiraa no te ite eaha te mau tuhaa ta oe e nehenehe e haamaitai:

• Te tapea ra anei au i te inoino no te tahi ohipa tano ore ta te hoê taata i rave?

• Te faaite ra anei au i te faaoromai, noa ˈtu mea ru vau aore ra ua rohirohi au?

• Mai te peu e manaˈo tia ore to ˈu, te haa oioi ra anei au no te patoi i te reira?

• E manaˈo ino anei to ˈu i nia i te mau taata no te mau fenua ěê?

• Ua parau anei au i te hoê taata ma te tano ore aita i maoro aˈenei aore ra aita anei au i tapea i to ˈu riri?