Ia aravihi atu â i roto i te taviniraa: Ma te tauturu i te feia “aau farii” ia riro ei pǐpǐ

NO TE AHA E MEA FAUFAA ˈI? Na Iehova e faatupu i te mau huero o te parau mau i roto i te aau o te feia “farii i te ora mure ore.” (Ohi 13:48; Ko1 3:7) Te ohipa amui nei tatou e o Iehova ma te tiatonu i nia i te feia o te faaohipa ra i ta ratou e haapii mai ra. (Ko1 9:26) E titauhia i te mau piahi Bibilia ia taa e mea faufaa te bapetizoraa Kerisetiano no te fanaˈo i te ora. (Pe1 3:21) Te tauturu nei tatou ia ratou ia riro ei pǐpǐ ma te haapii atu ia rave i te mau tauiraa i roto i to ratou oraraa, ia poro, ia haapii ia vetahi ê e ia pûpû i to ratou ora no Iehova.—Mt 28:19, 20.

NAFEA ÏA?

• A haamanaˈo i te mau piahi Bibilia eaha te fa o te haapiiraa, oia hoi ia nehenehe ratou e “ite” o vai Iehova e nafea ia faaoaoa ia ˈna.—Ioa 17:3

• A tauturu atu ia haere i mua i te pae varua ma te faaruru i te mau fifi, mai te mau peu tano ore e te mau amuimuiraa ino

• A haapuai e a faaitoito ia ratou hou to ratou bapetizoraa e i muri iho.—Ohi 14:22

A MATAITAI NA I TE VIDEO E TAUTURU IEHOVA IA OE E A PAHONO NA I TO MURI NEI MAU UIRAA:

• Eaha te tahi mau haamǎtaˈuraa o te nehenehe e tapea i te tahi taata ia pûpû i to ˈna ora e ia bapetizohia o ˈna?

• E nafea te mau matahiapo e nehenehe ai e tauturu i te mau piahi Bibilia ia haere i mua i te pae varua?

• Eaha ta te Isaia 41:10 e haapii mai ra no nia ia Iehova?

• Eaha te mau huru maitatai o te tauturu mai ia tavini ia Iehova ma te tano noa ˈtu to tatou tiaraa taata hara?