“Te rima tei î ia Iehova ra”

E nafea tatou e “haere mai [ai] ma te rima tei î ia Iehova ra”? (Pa1 29:5, 9, 14) E faataahia i raro aˈe e rave rau ravea no te horoa i te mau ô no te turu i te ohipa a te mau Ite no Iehova i ǒ oe e na te ao nei.

TE MAU Ô RAVEHIA MAOTI TE TAHUA NATIRARA AORE RA TUUHIA I ROTO I TE MAU AFATA Ô:

• 

  TE OHIPA NA TE AO NEI

  te paturaa e te tereraa o te mau amaa aore ra o te mau piha ohipa no te mau pǔpǔ huriraa

  te mau haapiiraa Kerisetiano

  te mau tavini taime taatoa taa ê

  te tauturu i muri aˈe i te ati natura

  te mau neneiraa, te mau video e tei piahia i nia i te tahua natirara

• 

  TE MAU HAAMÂUˈARAA O TE AMUIRAA

  te haamâuˈaraa o te amuiraa, mai te aufauraa i te mau tauihaa e rave rau e te atuaturaa o te Piha a te Basileia

  te faaotiraa ta te amuiraa e rave no te horoa i te mau ô na te amaa mai:

  • te paturaa i te mau Piha a te Basileia e te mau Piha tairururaa na te ao nei

  • te Faanahoraa no te horoa i te tauturu hinaarohia

  • te tahi atu mau ohipa na te ao nei

TE MAU TAIRURURAA

E faaohipahia te mau ô horoahia i te tairururaa e toru mahana no te ohipa na te ao nei. I muri iho, e aufauhia te mau haamâuˈaraa o te tairururaa e toru mahana, taa ê e nunaa rau maoti te afata moni no te turu i te ohipa na te ao nei.

E faaohipahia te mau ô horoahia i te tairururaa haaati no te aufau i te piha rururaa, no te faanaho i te tairururaa e te tahi atu mau haamâuˈaraa o te tuhaa haaati. E nehenehe e faaotihia ia horoa i te mau ô hau o te tuhaa haaati no te turu i te ohipa a te mau Ite no Iehova na te ao nei.