A haamanaˈo i te vahine a Lota

No te aha te vahine a Lota i hiˈo ai i muri a horo ê ai ia Sodoma? Aita te Bibilia e pahono ra. (Ge 19:17, 26) Te faaite nei te irava hou ta Iesu faaararaa e ua hinaaro te vahine a Lota i te mau mea ta ˈna i vaiiho. (Lu 17:31, 32) E nafea tatou e ape ai i te haa mai te vahine a Lota tei ere i to Iehova farii maitai? Eiaha e vaiiho i te imiraa i te oraraa fanaˈo ia riro ei mea faufaa roa i roto i to tatou oraraa. (Mt 6:33) Ua haapii atu Iesu “e ore e tia ia [tatou] ia tavini i te Atua e te moni.” (Mt 6:24) E nafea râ tatou mai te peu te haamata ra te imiraa i te taoˈa materia i te haafariu ê ia tatou i te mau ohipa pae varua? Na roto i te pure, a ani ia Iehova i te haroˈaroˈa no te taa eaha te mau tauiraa e titauhia ia rave. Oia atoa i te itoito e te puai no te na reira.

A HAAMANAˈO NA I TE VIDEO E TORU TUHAA A HAAMANAˈO I TE VAHINE A LOTA (FARANI) E A PAHONO NA I TO MURI NEI MAU UIRAA:

• 

  Nafea te onoonoraa a vetahi ê ia monihia o Gloria i ohipa ˈi i nia i to ˈna huru feruriraa e paraparauraa e i nia i ta ˈna mau ohipa?

• No te aha te hiˈoraa o te vahine a Lota i riro ai ei faaararaa no tatou i teie mahana?

• Nafea te faaohiparaa i te mau aratairaa Bibilia i tauturu ai ia Joe e to ˈna utuafare?

• E nafea to Anna mau hoa i ohipa ˈi i nia i to ˈna auhoaraa e o Iehova?

• No te aha e titauhia te itoito i mua i te faateimaharaa ia riro te moni ei ohipa faufaa roa i roto i te oraraa?

• Nafea o Brian raua Gloria i faariro faahou ai i te auhoaraa e o Iehova ei ohipa faufaa roa i roto i to raua oraraa?

• No oe, eaha te mau aratairaa Bibilia te matara mai ra i roto i teie video?