E te mau metua e, a tauturu i ta outou mau tamarii ia tavini ia Iehova

Te hinaaro ra te mau metua o te mǎtaˈu ra i te Atua ia riro ta ratou mau tamarii ei tavini taiva ore na Iehova. E nehenehe te mau metua e tauturu ia ratou ia na reira ma te haaputapû i to ratou aau e te mau haapiiraa Bibilia mai to ratou tamarii-rii-raa mai â. (De 6:7; Mas 22:6) E titau anei te reira i te tahi mau haapaeraa? Papu maitai e! Mea hoona râ ta outou mau tutavaraa.—Io3 4.

E rave rahi haapiiraa ta te mau metua e huti mai maoti te hiˈoraa o Iosepha e Maria. “Ua matau hoi [raua] i te haere i te mau matahiti atoa i Ierusalema i te oroa Pasa,” noa ˈtu ua titau te reira i te tutavaraa e te moni. (Lu 2:41) Papu maitai, te mea faufaa roa ˈˈe no raua, ia vai piri ïa to raua utuafare ia Iehova. Hoê â huru no te mau metua i teie mahana. E nehenehe ratou e aratai i ta ratou mau tamarii i nia i te eˈa maitai ma te imi i te mau ravea atoa no te haapii atu e no te horoa i te hiˈoraa maitai.—Sal 127:3-5.

A MATAITAI NA I TE VIDEO UA FARII RAUA I TE MAU HOPOIA ATOA E A PAHONO NA I TO MURI NEI MAU UIRAA:

• E nafea Jon e Sharon Schiller i tamau ai i te imi na mua i te Faatereraa arii a aupuru ai i ta raua mau tamarii?

• No te aha e mea tia ˈi i te mau metua ia aˈo i te tamarii taitahi ia au i to ˈna hinaaro mau?

• E nafea te mau metua e faaineine ai i ta ratou mau tamarii no te faaruru i te mau tamataraa o te haafifi i to ratou faaroo?

• Eaha te mau ravea ta te faanahonahoraa a Iehova i horoa e ta outou i faaohipa no te tauturu i ta outou mau tamarii ia haapuai i to ratou auhoaraa e o Iehova?