Ia aravihi atu â i roto i te taviniraa: A faaohipa maitai i te mau uiraa

NO TE AHA E MEA FAUFAA ˈI? Mai te peu “te parau i roto i te aau taata, mai te moana ïa,” e au te mau uiraa i te hoê patete no te huti i tera pape. (Mas 20:5) Maoti te mau uiraa e paraparau mai ai te taata faaroo. E e fanaˈo tatou i te mau haamaramaramaraa faufaa ia pahono te taata i te mau uiraa maiti-maitai-hia. Ua faaohipa maitai Iesu i te mau uiraa. E nafea tatou e pee ai i to ˈna hiˈoraa?

NAFEA ÏA?

• A faaohipa i te mau uiraa manaˈo. Ua faaohipa Iesu i e rave rahi uiraa no te ite i te manaˈo o ta ˈna mau pǐpǐ. (Mt 16:13-16; be-F api 238 par. 3-5) Eaha te tahi mau uiraa manaˈo ta oe e nehenehe e faaohipa?

• A faaohipa i te mau uiraa e aratai ra i te pahonoraa tano. No te faaafaro i to Petero huru feruriraa, ua faaohipa Iesu i te mau uiraa e ua horoa ˈtu i te tahi mau aratairaa o te tauturu ia Petero ia ite i te pahonoraa tano. (Mt 17:24-26) Eaha te mau uiraa o te tauturu i te taata ia ite mai i te pahonoraa tano?

• A haapopou atu. Ua haapopou Iesu i te hoê papai parau no “te paari o ta ˈna pahonoraa.” (Mk 12:34) E nafea oe e haapopou ai i te tahi taata tei pahono i te tahi uiraa?

A MATAITAI NA I TE TUHAA MATAMUA O TE VIDEO A RAVE I TE OHIPA TA IESU I RAVE: A HAAPII ATU E A PAHONO NA I TEIE NA UIRAA:

• No te aha e ere tera huru haapiiraa i te mea maitai, noa ˈtu mea tano te faataaraa?

• No te aha eita e navai noa ia faataa i te hoê haapiiraa?

A MATAITAI NA I TE TUHAA PITI O TE VIDEO E A PAHONO NA I TEIE NA UIRAA:

• Mea nafea to te taeae faaohipa-maitai-raa i te mau uiraa?

• Eaha te tahi atu mau tuhaa o ta ˈna huru haapiiraa ta tatou e nehenehe e pee?