Eiaha e haapeapea

I roto i te Aˈoraa i nia i te mouˈa, ua parau Iesu: “Eiaha e tapitapi i to outou ora.” (Mt 6:25) I te tahi taime, e tapitapi iho â tatou inaha e mea tia ore tatou e te ora nei tatou i roto te ao a Satani. Ua haapii râ Iesu i ta ˈna mau pǐpǐ ia ore e haapeapea rahi. (Sal 13:2) No te aha? Eita te mau haapeapearaa rahi roa e tauturu mai ia imi na mua i te Faatereraa arii, oia atoa te haapeapearaa no to tatou mau hinaaro o te mahana taitahi. (Mt 6:33) E tauturu mai to muri mai mau haamaramaramaraa a Iesu ia faaea i te haapeapea rahi roa.

• Mt 6:26—Eaha ta tatou e haapii mai a hiˈo ai i te mau manu? (w16.07 api 6 par. 11-13)

• Mt 6:27—No te aha e mâuˈa ˈi to tatou taime e puai a haapeapea rahi roa ˈi tatou? (w05 1/11 api 23 par. 5)

• Mt 6:28-30—Eaha te haapiiraa ta tatou e huti mai a hiˈo ai i te mau tiare? (w16.07 api 6-7 par. 15-16)

• Mt 6:31, 32—No te aha mea taa ê te mau Kerisetiano i te mau nunaa? (w16.07 api 7 par. 17)

Te hinaaro nei au e faaea i te haapeapea no nia i te aha?