Teihea avaˈe e nehenehe ai au e rave i te taviniraa pionie tauturu?

Ua faaite ta Ezekiela orama o te hiero e e hopoi to Iehova nunaa i te mau tusia horoa noa. E nafea tatou tataitahi e nehenehe ai e hopoi i te tusia arueraa?—Heb 13:15, 16.

O te raveraa i te taviniraa pionie tauturu hoê o na ravea maitai roa ˈˈe. I roto i te matahiti taviniraa 2018, mea rahi te avaˈe e pae Mahana maa aore ra e pae Tapati to roto. Mea maitai roa te reira no te feia rave ohipa taime taatoa e o te poro i te rahiraa o te taime i te hopea hebedoma. Hau atu â, e maiti paha te feia poro i te taviniraa 30 aore ra 50 hora no te avaˈe Mati e Eperera e no te avaˈe e tere mai ai te tiaau haaati.

E mai te peu aita ta tatou e nehenehe e rave i te taviniraa pionie no to tatou tupuraa? Eita e ore e e nehenehe ta tatou e tutava i te haamaitai atu â i ta tatou taviniraa, a nehenehe atu ai tatou e poro hau atu â. Noa ˈtu to tatou tupuraa, ia turai noa to tatou here ia Iehova ia horoa i te mea maitai roa ˈˈe no ˈna i roto i te matahiti taviniraa 2018!—Ho 14:2.

A MATAITAI I TE VIDEO MAOTI IEHOVA E NEHENEHE AU E RAVE FATATA I TE MAU MEA ATOA, E A PAHONO I TEIE MAU UIRAA:

• Eaha te turai ia Sabina ia rave hau atu â i roto i te taviniraa ia Iehova?

• E nafea to Sabina hiˈoraa e faaitoito ai ia oe?

• I roto i te matahiti taviniraa 2018, eaha te mau avaˈe oe e nehenehe ai e rave i te taviniraa pionie tauturu?