A farii maitai ia ratou

A farii maitai ia vai? Te mau taata atoa o te haere mai i ta tatou mau putuputuraa Kerisetiano, te feia o tei tae apî mai, tae noa ˈtu i te feia mea maoro outou i te matauraa. (Ro 15:7; Heb 13:2) Peneiaˈe e hoa Kerisetiano o te ratere mai i ǒ tatou nei aore ra e Kerisetiano o tei faaea i te poro aore ra i te haere i te putuputuraa e rave rahi matahiti i teie nei e a tahi ra oia e hoˈi faahou mai ai. A feruri na o oe tera. Eita anei oe e au ia farii-maitai-hia oe? (Mt 7:12) Mea maitai ïa ia tutava ˈtu â tatou i te haere e farii e e aroha ia vetahi ê na mua e i muri aˈe i te putuputuraa. E tauturu te reira ia faatupu i te here i roto i te amuiraa. E faahanahana atoa te reira ia Iehova. (Mt 5:16) Parau mau, eita e nehenehe e paraparau i te mau taata atoa tei putuputu mai. Tera râ, pauroa o ratou te oaoa ia rave tatou i ta tatou tuhaa.a

E farii maitai tatou i te taata i te mau taime atoa, eiaha noa i te mau tupuraa taa ê mai te Oroa haamanaˈoraa. Ia ite te feia o tei tae apî mai i te here Kerisetiano, eita e ore e e hinaaro roa ratou e arue i te Atua, a apiti atoa mai ai i roto i te haamoriraa viivii ore.—Ioa 13:35.