E faatupu te fenua e te mau raˈi apî i te oaoa rahi

Mea papu ta Iehova i fafau no nia i te tataîraa i roto i te Isaia pene 65, no reira oia i faahiti ai i tera parau mai te huru ra e ua tupu ê na te reira.

Te poiete ra Iehova i te fenua e te mau raˈi apî. I reira, e ore te mau mea tahito e haamanaˈo-faahou-hia

65:17

Eaha te mau raˈi apî?

• O te hoê ïa faatereraa apî o te hopoi mai i te parau-tia i te fenua nei

• Ua haamauhia te reira i 1914, i te taime a riro ai Iesu ei Arii o te Faatereraa a te Atua

Eaha te fenua apî?

• O te hoê ïa totaiete taata reo e nunaa rau, o te auraro ma te oaoa i te faatereraa apî i te raˈi

E nafea te mau mea tahito e ore ai e haamanaˈo-faahou-hia?

• E mou roa te mau mea e haamanaˈo ai te taata i te tahi mau tupuraa mauiui mau i te pae tino, feruriraa e huru aau

• E oaoa roa te mau taata taiva ore i to ratou oraraa e e manaˈo noa ratou i te mau maitai ta ratou e ite i te mahana tataitahi