Ia aravihi atu â i roto i te taviniraa: Ia putapû te aau i te buka “Ia vai maite outou i roto i te here o te Atua”

NO TE AHA E MEA FAUFAA ˈI? Mea tia ia haapii te taata i ta Iehova mau ture aveia e ia pee i te reira, ia farii te Atua i ta tatou haamoriraa ia ˈna. (Isa 2:3, 4) “Te here o te Atua” te piti o ta tatou mau papai haapiiraa. E tauturu te reira i te mau piahi Bibilia ia hiˈopoa e nafea ta te Atua mau aratairaa e tano ai i roto i te oraraa. (Heb 5:14) Mea tia ia tamata tatou i te haaputapû i te aau i te roaraa o ta ratou haapiiraa, ia rave ratou i te mau tauiraa ma te manaˈo turai tano.—Ro 6:17.

NAFEA ÏA?

• A faaineine maitai ma te haamanaˈo eaha te mau hinaaro o te piahi. A tuu i te mau uiraa e faaite mai ai o ˈna i to ˈna mau manaˈo e huru aau no nia i ta ˈna i haapii mai.—Mas 20:5; be-F 259

• A faaohipa i te mau tumu parau tarenihia o te buka no te tauturu i te piahi ia taa i te faufaaraa ia pee i te mau aratairaa Bibilia

• A tauturu i te piahi ia feruri i te mau ohipa e ô mai te parau o te manaˈo haava, eiaha râ e faaoti no ˈna.—Ga 6:5

• Mai te peu e mea fifi no te piahi ia pee i te tahi aratairaa Bibilia, a tauturu atu ma te mǎrû. Ma te hamani maitai, a faaitoito ia ˈna ia rave i te mau tauiraa niuhia i nia i to ˈna here ia Iehova.—Mas 27:11; Ioa 14:31