Ta te Bibilia faahohoˈaraa o te hoê vahine maitai

I te Maseli pene 31, te vai ra te tahi haapiiraa puai mau ta te mama o te arii Lemuela i horoa ˈtu na ˈna. Ua haapii mai te arii, na roto i teie aˈoraa î i te paari, eaha te hoê vahine maitai.

E nehenehe te vahine maitai e tiaturihia

31:10-12

• E horoa oia i te mau manaˈo faufaa no te mau faaotiraa e rave no te utuafare ma te ore e na nia ˈtu i ta ˈna tane

• E tiaturi ta ˈna tane ia ˈna no te mau faaotiraa î i te paari te tia ia rave, e eita oia e onoono ia ani ta ˈna vahine i ta ˈna parau faatia i roto i te mau tuhaa atoa o te oraraa

Mea ohipa roa te vahine maitai

31:13-27

• E haapii oia i te faaherehere i te moni e i te ora ma te tano, ia nehenehe to ˈna utuafare e ahu maitai, ma te tura, e e tamaa maitai

• E haa rahi e e haapao oia i to ˈna utuafare i te po e te ao

E feruriraa paari i te pae varua to te vahine maitai

31:30

• E mǎtaˈu oia i te Atua e e faatupu i te auhoaraa e o ˈna