Ia aravihi atu â i roto i te taviniraa: A tauturu i te mau piahi Bibilia ia tae ratou i te pûpûraa ia ratou e te bapetizoraa

NO TE AHA E MEA FAUFAA ˈI? No te fanaˈo i te farii maitai a te Atua, mea tia i te mau piahi Bibilia ia pûpû i to ratou ora no ˈNa e ia bapetizohia ratou. (Pe1 3:21) No te feia o te ora ia au i to ratou pûpûraa, e fanaˈo ïa ratou i te paruru pae varua. (Sal 91:1, 2) E pûpû te hoê Kerisetiano ia ˈna iho ia Iehova, eiaha i te hoê taata, te hoê ohipa aore ra i te hoê faanahonahoraa. No reira, mea tia ia faatupu te mau piahi i te here e te mauruuru i te Atua.—Ro 14:7, 8.

NAFEA ÏA?

• I te roaraa o te haapiiraa, a aparau no nia i ta te tumu parau e faaite mai ra no nia ia Iehova. A faaitoito i te piahi “eiaha e tuutuu” i te taio i te Bibilia i te mau mahana atoa e i te pure ia Iehova.—Te1 5:17; Iak 4:8

• A faaitoito i ta oe piahi ia haamau ei fa pae varua te pûpûraa ia ˈna iho e te bapetizoraa. A tauturu atoa ia ˈna ia raea te tahi atu mau fa, mai te horoaraa i te mau pahonoraa i te mau putuputuraa aore ra te pororaa i te mau taata tapiri e te hoa ohipa. A haamanaˈo eita Iehova e faahepo i te taata ia tavini ia ˈna. Na tatou iho te faaotiraa e pûpû ia tatou ia Iehova.—De 30:19, 20

• A faaitoito i ta oe piahi ia rave i te mau tauiraa titauhia no te faaoaoa ia Iehova e ia ineine oia no te bapetizoraa. (Mas 27:11) No te mea e nehenehe te tahi mau huru e peu e vai noa mai, e titauhia paha ia tauturu tatou i te hoê piahi Bibilia ia haapae i te huru taata tahito e ia faataata apî. (Eph 4:22-24) A faaite atu i te mau tumu parau o te anairaa o Te Pare Tiairaa “Ua taui te Bibilia i to ˈu oraraa”

• A faaite atu ia ˈna i te oaoa ta oe i ite i roto i te taviniraa a Iehova.—Isa 48:17, 18