Te faaohipa ra anei oe i te porotarama JW Library?

Te JW Library, e porotarama roro uira tamoni ore ïa i reira oe e nehenehe ai e rave mai i te Bibilia e te tahi atu mau papai, te mau video e te mau haruharuraa i roto i ta oe niuniu afaifai, matini roro uira afaifai aore ra roro uira.

NAFEA IA RAVE MAI I TE REIRA? A haere i nia i te Internet, a rave mai i te porotarama JW Library i te tuhaa i reira oe e rave mai ai i te mau porotarama roro uira no te mau matini afaifai. E nehenehe e rave mai i tera porotarama i nia e rave rahi matini. Ua ama anaˈe ta oe Internet, a pata i te porotarama JW Library e a maiti i te mau piaraa o ta oe e hinaaro ra e tuu atu i roto i ta oe matini. Mai te peu e aita ta oe e Internet i te fare, e nehenehe paha ïa oe e faaohipa i te Internet i te Piha a te Basileia, i te vairaa buka a te hau aore ra na te mau fare inuraa taofe. To roto anaˈe tei piahia i ta oe matini, e nehenehe oe e hiˈo i te reira, noa ˈtu aita ta oe e Internet. No te mea e tuu-pinepine-hia te mau papai apî i nia i te porotarama JW Library, e tia ia oe i te tahi mau taime ia haere i nia i te Internet no te rave mai i te mea apî mai te peu e te vai ra.

NO TE AHA E FAAOHIPA ˈI I TE REIRA? Mea au te porotarama JW Library no te rave i ta oe iho haapiiraa e no te mau putuputuraa a te amuiraa. Mea au atoa no te taviniraa, i roto iho â râ te pororaa faanaho-ore-hia.