TAOˈA RAU BIBILIA | IOBA 6-10
Ua faaite te taata taiva ore ra o Ioba i to ˈna ahoaho
Ua ere Ioba i ta ˈna mau taoˈa, tei roto oia i te oto e ua roohia oia i te maˈi rahi. Ua vai taiva ore râ oia. Faaohipa ˈtura Satani i te toaruaru no te turai ia Ioba ia ofati i to ˈna hapa ore. E toru “hoa” tei haere e farerei ia ˈna. Na mua roa, ua faaite hua ratou i te aumihi ia Ioba. I muri iho, ua parahi ratou ia Ioba ra ma te ore e paraparau e hitu mahana. Aita hoê aˈe parau tamahanahana. I to ratou râ paraparauraa ia Ioba, ua faahapa ratou ia ˈna.
Ua vai taiva ore Ioba ia Iehova noa ˈtu te mau fifi rahi ta ˈna i faaruru
No to ˈna oto rahi Ioba i manaˈo ai ma te hape e e ere i te mea faufaa no te Atua ia vai taiva ore oia aore ra aita
No to ˈna toaruaru, aita Ioba i manaˈo e te vai ra te tahi atu mau tumu o to ˈna mauiui
Noa ˈtu to ˈna mauiui rahi, ua faaite noa Ioba i te feia tei faahapa ia ˈna e ua here oia ia Iehova