A horoa i te mau “mea maitai” a faaite ai i te farii maitai (Mat. 12:35a)

E hinaaro iho â tatou pauroa ia horoa i te mau “mea maitai” ia vetahi ê ma te faaite i te “hamani maitai.” (Roma 12:13) E faaite te mau matahiapo i te hiˈoraa ma te rave i te mau faanahoraa no te farii maitai i te mau taeae orero ratere. Oia atoa ma te tauturu ia ratou i te pae no te mau haamâuˈaraa itehia i roto i to ratou tere. E taiâ paha tatou i te titau i te mau taata no te mea e mea veve paha tatou aore ra eita tatou e matau i te farii ia vetahi ê i to tatou fare. E tauturu mai râ ta Iesu aˈoraa ia Mareta ia tatou. (Luka 10:39-42) Ua parau o ˈna e e mea faufaa aˈe te auhoaraa e te faaitoitoraa te tahi i te tahi a farii maitai ai i te mau taata. Eiaha râ te hoê maa faahiahia roa aore ra te faaneheneheraa o te fare. Ma te faaohipa i tera aˈoraa, e nehenehe tatou pauroa e horoa i te mau “mea maitai” i ta tatou mau taeae ia au i te Parau a te Atua.—Ioa. 3, 5-8.