Ia aravihi atu â i roto i te taviniraa—Eaha te ravehia i te hoê haapiiraa Bibilia maoti te buka Bibilia haapii

No te aha mea faufaa ˈi? Ia pûpû tatou i te mau haapiiraa Bibilia tamoni ore i te fare, e rave rahi paha te ore e taa maitai i te auraa o te reira. E manaˈo paha ratou e e mea titauhia ia amui e te hoê pǔpǔ haapiiraa aore ra ia fanaˈo i te mau haapiiraa maoti te rata. No reira, hau atu i te pûpû noa i te haapiiraa Bibilia, a faaite roa e nafea te reira e faatupuhia. I roto tau minuti noa, e nehenehe oe e faaite i te taata, noa ˈtu tei te uputa orua, e mea ohie e te faahiahia roa ia haapii i te Bibilia.