Hohoˈa faaiteraa

No te haamata i te haapiiraa Bibilia i te Mahana maa matamua no Atopa

“Te haere mai nei matou e farerei ia oe no te tauaparau i nia i te tahi uiraa taa ê. [A faaite atu i te uiraa piti i te api 16 o Te Pare Tiairaa no Tetepa–Atopa.] Eaha to oe manaˈo?” A vaiiho ia ˈna ia pahono. A taio e a tauaparau i nia i te uiraa piti e te hoê irava i horoahia. A pûpû i te mau vea e a faataa i te mahana e hiˈopoa ˈi i te tahi atu tumu parau.

Te Pare Tiairaa Tetepa–Atopa

“Eita te tahi mau metua e ite mea tano anei ia aˈo i ta ratou tamarii. I to oe manaˈo, e mea ino anei ia aˈo i te tamarii? [A vaiiho ia ˈna ia pahono. I muri iho, a taio i te Maseli 4:1, 2.] Te horoa ra teie vea i te mau aˈoraa Bibilia e tauturu i te mau metua ia aˈo i ta ratou tamarii ma te here.”

A ara mai na! Tetepa–Atopa

“Te vai ra i roto ia tatou pauroa te hinaaro ia haamori i te Atua. Tera râ, i to oe manaˈo, no te aha mea rahi te haapaoraa? [A vaiiho ia ˈna ia pahono.] Teie ta te Bibilia e faaite ra. [A taio i te Mareko 7:7, 8.] Te haapapu ra teie vea e nafea ia haafaufaa i to te Atua manaˈo, eiaha râ to te taata.”