Hohoˈa faaiteraa

Ihea e ite ai i te pahonoraa i te mau uiraa faufaa roa o te oraraa?

A horoa i te api parau i te taata ia nehenehe o ˈna e ite i te tumu parau e a parau atu: “Iaorana. Te apiti nei matou i te hoê opereraa na te ao nei no te faaite i teie poroi faufaa roa. Teie ta oe api parau.”

Mai te peu e aita e taata i te fare, a vaiiho ïa i te api parau i te hoê vahi tano maitai. Eiaha e oviri hanoa i te reira.

Ia anaanatae te taata aore ra ia hinaaro o ˈna e paraparau, e nehenehe oe e ani eaha te pahonoraa ta ˈna e maiti no te uiraa i te api matamua. A huri i te api parau e a faaite atu eaha ta te Salamo 119:144, 160 e parau ra. A faataa e te vai ra i roto i tera api parau te tahi mau haamaramaramaraa no nia i te hoê reni Internet o te tauturu ia ˈna ia ite i te mau pahonoraa a te Bibilia. Ei hiˈoraa, e nehenehe oe e faaite i te video No te aha e haapii ai i te Bibilia? Hou a faarue ai i te taata, a ani atu i roto i na uiraa e toru i te api hopea teihea ta ˈna e hinaaro roa ˈˈe e ite i te pahonoraa. I te hoˈi-faahou-raa ïa e faaite ai oe ia ˈna i te pahonoraa a te Bibilia ma te faaohipa i te jw.org, i te tuhaa LA BIBLE ET VOUS > QUESTIONS BIBLIQUES.

Ia opere atoa oe i te mau titau-manihini-raa no te tairururaa e toru mahana i taua taime ra, a parau atu: “Hau atu i teie api parau, teie atoa te tahi titau-manihini-raa no te hoê tupuraa tamoni ore i mua nei.”

Te Pare Tiairaa Tiurai-Atete

I te hopea o te hebedoma, ia pûpû atoa oe i Te Pare Tiairaa a parau atu: “E pûpû atoa matou i teie mau vea apî. Te pahono ra Te Pare Tiairaa i te uiraa, Eaha te tiaturiraa no to ˈu mau tupuna?”

A ara mai na! Tiurai-Atete

I te hopea o te hebedoma, ia pûpû atoa oe i te vea A ara mai na! a parau atu: “E pûpû atoa matou i teie mau vea apî. Te pahono ra te vea A ara mai na! i te uiraa, E nafea ia ore e haamâuˈa i te moni?”