Hohoˈa faaiteraa

No te haamata i te haapiiraa Bibilia i te Mahana maa matamua no Tiurai

“Te haere mai nei matou e farerei ia oe no te tauaparau i nia i te tahi uiraa taa ê. [A faaite atu i te uiraa matamua i te api 16 o Te Pare Tiairaa no Tiurai-Atete.] Eaha to oe manaˈo?” A vaiiho ia ˈna ia pahono. A taio e a tauaparau i nia i te uiraa matamua e te hoê irava i horoahia. A pûpû i te mau vea e a faataa i te mahana e hiˈopoa ˈi i to muri mai uiraa.

Te Pare Tiairaa Tiurai-Atete

“I te matahiti hoê, fatata e 6 000 000 tei pohe no te avaava. No oe, e nehenehe anei e faaore i teie ati tei naea i te ao nei? [A vaiiho ia ˈna ia pahono.] E rave rahi mau taata tei tauturuhia no te faaea i te puhipuhi i te avaava maoti te iteraa i to te Atua manaˈo. Ei hiˈoraa, teie te hoê irava tei turai i te tahi mau taata ia feruri i te mau hopearaa ino o te avaava i nia ia vetahi ê. [A taio i te Korinetia 1, 10:24.] Te faaite ra teie vea e nafea to te Atua manaˈo no nia i te avaava e turai ai i te taata ia faaea i te puhipuhi i te reira.”

A ara mai na! Tiurai-Atete

“E farereiraa poto noa te reira no te tauturu i te mau taata ia faaiti mai i te ahoaho. No oe, e mea ahoaho aˈe te mau taata i teie mahana i tei mutaa iho ra? [A vaiiho ia ˈna ia pahono.] E rave rahi tei tauturuhia maoti te aratairaa Bibilia. Teie te hoê hiˈoraa. [A taio i te Mataio 6:34.] E faataa ra teie vea e maha tumu o te ahoaho e e nafea te mau aratairaa Bibilia e tauturu ai ia tatou ia faaiti i te reira.”

Nota: E anaanatae taa ê paha te feia tapihoo i teie vea.