Mea au roa te mau api parau iti apî!
1. E faaineineraa apî to teihea mau papai?
1 I te tairururaa mataeinaa 2013 “E parau mau te Parau a te Atua!,” ua matara mai e pae api parau iti apî. I muri aˈe, ua fanaˈo tatou i te Parau apî o te Basileia no 38 “E tia faahou iho â anei te feia pohe?” E faaineineraa apî to tera mau papai e ono. No te aha teie tauiraa? Ia poro tatou i tera e tera fare, e nafea ia faaohipa maitai i tera mau api parau iti?
2. Eaha te fa o teie faaineineraa apî?
2 No te aha teie faaineineraa apî? Teie te huru raveraa no te rave i te mau faaiteraa maitai i tera e tera fare: (1) No te haamata i te aparauraa, a ani i te manaˈo o te taata. (2) A faaite atu i te hoê manaˈo no roto mai i te Bibilia. (3) A pûpû i te mau papai. (4) A tuu i te hoê uiraa e a faanaho no te hoˈi faahou mai. E mea ohie aˈe ia pee i tera huru raveraa e maha maoti te faaineineraa apî o te mau api parau iti!
3. E nafea ia pûpû i te mau api parau iti apî i roto i te taviniraa?
3 E nafea ia faaohipa? (1) A aroha i te taata e a faaite ia ˈna i te uiraa i te api matamua o te api parau iti. A ani atu i to ˈna manaˈo. (2) A huri i te api parau iti e a hiˈo “Ta te Bibilia e parau ra.” Ia nehenehe, a taio roa ˈtu i te irava i roto i te Bibilia. Ia taimehia, a tauaparau i nia “Eaha te auraa no oe?” (3) A pûpû i te api parau iti e a faaitoito i te taata ia taio faahope. (4) Hou a vaiiho ai ia ˈna, a faaite atu i te uiraa i raro i “A feruri na” i te api hopea. A faanaho no te hoˈi mai e paraparau no nia i te pahonoraa a te Bibilia.
4. E nafea ia faaohipa i te mau api parau iti apî i te mau hoˈi-faahou-raa e farerei?
4 Ia aha tatou ia hoˈi faahou tatou e farerei i te taata? E mea ohie roa! A faaohipa noa i te mau irava tei faahitihia i te api hopea o te api parau iti. E pahono te reira i te uiraa ta oe i tuu i te taime matamua. Hou a vaiiho ai i te taata, a faaite i te hohoˈa o te buka rairai Parau apî oaoa e vai ra i te api hopea o te api parau iti. A rave i tera buka rairai e a huri i te haapiiraa e faaite hau atu â i nia i te tumu parau. A pûpû i te reira. Ia farii te taata, a faanaho no te hoˈi mai e tauaparau i nia i tera buka rairai. Ua oti, ua haamata oe i te hoê haapiiraa Bibilia! Ia ore oe e pûpû i te buka rairai, e nehenehe e vaiiho i te tahi atu api parau iti e e faanaho no te paraparau i nia i te reira.
5. Eaha te faufaaraa o te mau api parau iti i roto i te taviniraa?
5 Ua faaohipahia te mau api parau iti i roto i te taviniraa hau atu i te 130 matahiti. Noa ˈtu e ua tauihia te rahi e te faaineineraa, e ravea maitai roa te reira no te poro. E faaohipa maitai anaˈe i te faaineineraa apî o te mau api parau iti no te haaparare i te ite Bibilia i te mau fenua atoa.—Mas. 15:7a.